( 15 ສິງຫາ 1991-15 ສິງຫາ 2021 )

ໃນຕອນເຊົ້າຂອງວັນທີ 13 ສີງຫາ 2021 ທີ່ກົມຄຸ້ມຄອງ ແລະ ພັດທະນາທີ່ດິນກະສິກໍາ, ກະຊວງກະສິກຳ ແລະ ປ່າໄມ້ ໄດ້ຈັດພິທີໂຮມຊູມນູມຂຶ້ນທີ ຫ້ອງປະຊູມສຸນສຳຫຼວດ ແລະ ວາງແຜນນຳໃຊ້ທີ່ດິນກະສິກຳ, ກົມຄຸ້ມຄອງ ແລະ ພັດທະນາທີ່ດິນກະສິກຳ ເພື່ອ ຮັບຊົມການຖ່າຍທອດສົດພິທີຮົມຊຸມນຸມການປະຖະກະຖາ ຂອງທ່ານ ເລຂາທິການໃຫຍ່ກົມການເມືອງສູນກາງພັກ, ປະທານປະເທດແຫ່ງ ສປປ ລາວ ພະນະທ່ານ ທອງລຸນ ສິສຸລິດ ໃນວັນສະເຫຼີມສະຫຼອງວັນລັດຖະທຳມະນູນແຫ່ງຊາດ ຄົບຮອບ 30 ປີ (15 ສິງຫາ 1991 ຫາ ວັນທີ 15 ສິງຫາ 2021), ໂດຍການຊີ້ນໍາ-ນໍາພາຂອງທ່ານ ປອ ນິວົງສີປະເສີດ, ກໍາມະການຄະນະພັກກະຊວງ, ເລຂາຄະນະພັກຮາກຖານກົມ, ຫົວໜ້າກົມ ຄພດກ, ມີຄະນະພັກຮາກຖານ, ເລຂາໜ່ວຍພັກ, ສະມາຊິກພັກ ແລະ ພະນັກງານລັດຖະກອນພາຍໃນກົມເຂົ້າຮ່ວມທັງໝົດ 41 ທ່ານ, ຍິງ 15 ທ່ານ.

ທ່ານ ເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດແຫ່ງ ສປປລາວ ກ່າວສູນທອນພົດ

ໃນການຖ່າຍທອດສົດພິທີຮົມຊຸມນຸມການປະຖະກະຖາ ຂອງທ່ານ ເລຂາທິການໃຫຍ່ກົມການເມືອງສູນກາງພັກໃນຄັ້ງນີ້ ແມ່ນໄດ້ກ່າວໃຫ້ຮູ້ວ່າລັດຖະທຳມະນູນ ເປັນກົດໝາຍແມ່, ເປັນແມ່ແຫ່ງກົດໝາຍ ໄດ້ມາຈາກໝາກຜົນແຫ່ງການຕໍ່ສູ້ເປັນກົດໝາຍພື້ນຖານຂອງຊາດ ເປັນການຫັນແນວທາງປ່ຽນແປງ ໃໝ່ຮອບດ້ານທີ່ມີຫຼັກການຂອງພັກປະຊາຊົນປະຕິວັດລາວເປັນກົດໝາຍພື້ນຖານຂອງລະບອບປະຊາທິປະໄຕ ປະຊາຊົນ ເພື່ອສຶກສາອົບຮົມປະຊາຊົນລາວບັນດາເຜົ່າໃຫ້ຍົກສູງນໍ້າໃຈຮັກຊາດຮັກລະບອບໃໝ່ ເພີ່ມທະວີຄວາມສາມັກຄີທົ່ວປວງຊົນລາວທັງຊາດເຊີດຊູບົດບາດ ປົກປັກຮັກສາ ແລະ ສ້າງສາພັດທະນາປະເທດຊາດຕາມຈຸດໝາຍທິ່ພັກກຳນົດໄວ້. ການປະກາດໃຊ້ລັດຖະທຳມະນູນເປັນເຫດການ ການເມືອງ ທີ່ສຳຄັນຂອງຊາດ ພ້ອມທັງເປັນຂີດໝາຍໃໝ່ແຫ່ງການຫັນໄປສູ່ການຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍ ແລະ ສ້າງລັດແຫ່ງກົດໝາຍເທື່ອລະກ້າວສ່ອງແສງໃຫ້ເຫັນລັກສະນະທາດແທ້ ແລະ ການເຕີບໃຫຍ່ຂະຫຍາຍຕົວຂອງລະບອບປະຊາທິປະໄຕປະຊາຊົນພາຍໃຕ້ການນຳພາທີ່ປີຊາສາມາດສະຫຼາດສ່ອງໃສຂອງພັກປະຊາຊົນປະຕິວັດລາວ ເປັນການຢັ້ງຢືນຕໍ່ໂລກໃຫ້ຮັບຮູ້ກ່ຽວກັບ ຄວາມເປັນເອກະລາດ ແລະ ຜືນແຜ່ນດິນອັນຄົບຖ້ວນຂອງ ສປປ ລາວ.

No comment

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້