ໜ້າທີ່ ຂອງພະແນກຄຸ້ມຄອງທີ່ດິນກະສິກໍາ
- ຕິດຕາມ ແລະ ເກັບກຳຂໍ້ມູນ ການນໍາໃຊ້ທີ່ດິນກະສິກໍາປະເພດຕ່າງໆ ໃນຂອບເຂດທົ່ວປະເທດ ໂດຍການສ້າງຖານຂໍ້ມູນ, ສະຖິຕິ ແລະ ອອກໃບຢັ້ງຢືນການນຳໃຊ້ທີ່ດິນກະສິກຳ ລວມທັງການພັດທະນາທີ່ດິນກະສິກຳ ເພື່ອສະເໜີອອກໃບຕາດິນ ນໍາພາກສ່ວນທີ່ກ່ຽວຂ້ອງ;
- ດຳເນີນການຕິດຕາມ, ກວດກາ ແລະ ປະເມີນຜົນການນຳໃຊ້, ການເຊົ່າ, ສໍາປະທານ ແລະ ການຫັນປ່ຽນການນຳໃຊ້ທີ່ດິນກະສິກຳຢ່າງເປັນລະບົບຕໍ່ເນື່ອງ ແນໃສ່ຄຸ້ມຄອງທີ່ດິນກະສິກຳແບບຍືນຍົງ;
- ຝຶກອົບຮົມທາງດ້ານວິຊາການດ້ານການຄຸ້ມຄອງ ແລະ ພັດທະນາທີ່ດິນກະສິກໍາ ເພື່ອສ້າງຄວາມເຂັ້ມແຂງ ໃຫ້ພະນັກງານຂັ້ນແຂວງ, ຂັ້ນເມືອງ;
- ຄົ້ນຄວ້າ, ນຳສະເໜີ, ສ້າງນິຕິກໍາ ແລະ ລະບຽບການຕ່າງໆ ກ່ຽວກັບການນຳໃຊ້, ການປົກປັກຮັກສາ ທີ່ດິນກະສິກໍາ ບໍ່ໃຫ້ຫັນປ່ຽນເປັນດິນປະເພດອື່ນ ພ້ອມທັງໂຄສະນາ, ເຜີຍແຜ່ ຢ່າງທົ່ວເຖິງ;
- ປະຕິບັດໜ້າທີ່ອື່ນ ຕາມການຕົກລົງ ແລະ ມອບໝາຍຂອງຂັ້ນເທິງ.